Eis gebaute Welt, Kanner sensibiliséieren fir hier gebauten Ëmwelt vu gëschter, haut a muer (Initiatioun)
(Code : D2-b-43)
Kontext / Contexte
« Eis gebaute Welt » ass e Projet, mat deem Aktivitéite fir d’Sensibiliséierung fir déi gebauten Ëmwelt an de Primärschoulen aféiert.
Duerch eng multisensoriell, reflexiv a kreativ Virgoensweis, ginn d’Schüler an déi verschiddenst Facettë vun der gebaute Welt, där si alldeeglech begéinen, ageféiert. D’Zil ass, déi Jonk virwëtzeg ze maachen ob historesch, zäitgenëssesch an zukünfteg Baulechkeeten, an se doduerch als verantwortlech Bierger ze erzéien.
D‘pedagogesch Aktivitéite fannen am Klassenzëmmer, dobaussen am Ëmfeld vun der Schoul oder op engem Schoulausfluch, statt.
D’gebauten Ëmwelt huet vill Potential fir d‘Ausbildung vun de Kanner. Engersäits ënnerstëtze Reflexiounen iwwert d’Wahrnehmung, d’Gestaltung an d‘Notzung vun ëffentleche Raim d‘formation à la citoyenneté. Anerersäits erméiglecht d’Erfuersche vu Gebaier an hirer Architektur (z.B. Baumaterialien, Dimensiounen, historesch Mierkmoler) en direkten, erliewbaren Zesummenhang mat Kuren aus dem Schoulprogramm. Beispiller heifir wären den Eveil aux sciences, d’Mathematik, d’Sproochen oder d'Education artistique.
Duerch dëse Formatiounszyklus kann d‘Léierpersonal vun enger personaliséierter Begleedung bei de Virbereedunge fir d‘Emsetzung an der Klass an um Terrain profitéieren. Zousätzlech ass en Austausch mat Léit, déi scho mat hire Klassen Erfarungen an dësem Projet gesammelt hunn, virgesinn. Doniewent besteet och nach d’Méiglechkeet vun enger punktueller, spezifescher Begleedung um Terrain duerch d‘Formatricen.
Zielsetzung / Objectifs
Wëssen
D’Enseignanten/-eën
- hunn allgemeng Kenntnisser a Verständnis vu folgenden Notiounen: „Gebauten Ëmwelt“, Architektur
- verstinn de Sënn an de Notze vun der Sensibiliséierung fir di gebauten Ëmwelt an der Schoul
- kennen de Konzept, d’Zieler an d’Methodologie vun de pädagogeschen Aktivitéite vum Projet „Eis gebaute Welt“.
Savoir-faire
D’Enseignanten/-eën
- kënnen Sensibiliséierungsaktivitéite fir di gebauten Ëmwelt, am spezifesche Kontext vun hirer Klass, plangen, virbereeden an ëmsetzen
- passen sech klassen- a schülerspezifesche Bedürfnisser un, schaffen differenzéiert a bauen op Virwësse vun hire Schüler/-innen op
- maache Verbindungen tëschent der gebauter Ëm an de Schoulfächer (z. B. Mathematik, éveil aux sciences, Sproochen, Konscht, vie et société)
- fërderen an hirer Klass kooperativ Léiersituatioune ronderëm d’Thematik vun der gebauter Ëmwelt
- reege reflexiv a kreativ Momenter bei hire Schüler/-innen un
- profitéiere vun der Méiglechkeet fir mat Enseignanten/-eën aus anere Schoulen a Regiounen zesummenzeschaffen an en Austauschnetzwierk opzebauen.
Haltung
D’Enseignanten/-eën
- kultivéiere Virwëtz fir di gebauten Ëmwelt
- werfen en oppenen a kritesche Bléck op di gebauten Ëmwelt
- schaffe mat Peers zesummen, tauschen sech aus a léiere vuneneen
- reflektéieren hiert Schoulhalen am Kader vun der Sensibiliséierung fir di gebauten Ëmwelt.
Inhalt / Contenu
Wärend der éischter Seance gëtt dat pedagogescht Konzept virgestallt. Dat speziell heifir konzipéiert didaktescht Material, gëtt als kannergerecht Missiounen zur Sensibiliséierung vun der Architektur an der gebauter Ëmwelt allgemeng, virgestallt a beschwat. Jidderee kann sech Gedanken iwwert d‘Emsëtzung a senger Klass maachen, an seng Erwaardungen a Bedürfnisser matdeelen.
De Schwéierpunkt vun der zweeter Seance ass d’Planung vun der praktescher Ëmsetzung. Fir sech mat de Schülermissioune vertraut ze maachen, probéiere d’Enseignanten/-eë selwer verschidden Aktivitéiten aus. D’Ziel ass, datt jiddereen zum Schluss heem geet, mat enger konkreter Virstellung, wéi en d‘Missioune mat senger spezifescher Klass an a senger Regioun ëmsetze kann.
Tëschent der zweeter an der drëtter Seance, setzt jiddereen d’pedagogesch Aktivitéite mat senger Klass em. Ob Ufro kënnen d’Formatricen eenzel Gruppe begleeden.
Déi drëtt a lescht Seance bitt en Austausch iwwert déi erlieften Erfarungen um Terrain un. Ausserdeem gëtt un der Weiderféierung vum Projet geschafft: Vernetzunge vu Schoulklassen, gemeinsam Ausflich an Ausstellungen an nach weider spannend Iddie ginn entwéckelt an diskutéiert. Bei Interessi vun den Enseignanten/-eë gëtt d’Ëmsetzung ugeduecht.
Des Seance fënnt op enger Platz am Land statt, déi de Grupp sech am 2. Workshop eraussicht. Dëst soll et erméiglechen, nei Platzen am Land kennenzeléieren an des als ausserschoulesche Léierplaz ze erfuerschen.
Arbeitsformen / Approche méthodologique
- Presentatioun, questions-réponses
- individuell an kollektiv Reflexiounen
- Expérimentatioun um Terrain
- Analys, Feed-back an Evaluatioun
- Echange a Mise en réseau
- Methoden fir den Transfert an d'Praxis.
Referent, Referentin / Formateur, formatrice
Martine Bintner, professeure-architecte, Lycée Josy Barthel Mamer
Nadine Brix, professeure-architecte, Lycée Josy Barthel Mamer
Remarques / Anmerkung
Um an dieser Weiterbildung teilnehmen zu können, benötigen Sie eine Verbindung zu Microsoft Teams und ein Mikrofon (Kamera optional). Sie erhalten kurz vor dem ersten Termin eine Einladung zu Ihrer Gruppe.
Bitte melden Sie sich wenn möglich 15-20 Minuten vor Beginn des Webinars in Teams an.
Termin / Date et horaire
Groupe A
Modalité : | Blended learning |
---|---|
Date : | le samedi 9 novembre 2019 de 9 à 12 heures le samedi 7 mars 2020 de 9 à 13 heures le mercredi 29 avril 2020 de 14 à 16 heures (via Teams) |
Lieu : | IFEN Walferdange - eduPôle - bâtiment 6 - et lieu extérieur à définir par les participant/e/s |
Nombre max. de participants : | 12 |
Places disponibles : | 0 |
Statut de la formation : | Formation attestée |
Délai d'inscription : | - |
Groupe B
Modalité : | Blended learning |
---|---|
Date : | le jeudi 27 février 2020 de 14 à 17 heures les lundis 27 avril et 4 mai 2020 de 14 à 16 heures (via Teams) |
Lieu : | IFEN Walferdange - eduPôle - bâtiment 6 - et lieu extérieur à définir par les participant/e/s |
Nombre max. de participants : | 12 |
Places disponibles : | 7 |
Statut de la formation : | Formation attestée |
Délai d'inscription : | - |
Public cible
Contexte professionnel : | [EF_C2-4] Enseignement fondamental-Cycle 2-4 |
---|---|
Catégorie de fonction : | Personnel enseignant |
Informations complémentaires : | personnel enseignant des cycles 3 et 4 |
Praktische Hinweise / Informations pratiques
Langue(s) : | luxembourgeois, français, allemand |
---|---|
Informations : | Institut de formation de l’Éducation nationale |